Mbi 15400 gjoba janë vendosur nga Policia Rrugore përgjatë 1 jave, thuhet në buletinin zyrtar të publikuar nga Policia e Shtetit, që përfshin veprimtarinë policore përgjatë javës që sapo u mbyll.
Gjatë kësaj jave janë pezulluar 415 leje drejtimi, nga të cilat: 300 për qarkullim me shpejtësi mbi normat e lejuara, 65 për drejtim mjeti, nën efektin e alkoolit apo në gjendje të dehur dhe 50 për qarkullim në sens të kundërt.
Gjithashtu, janë arrestuar 48 drejtues mjetesh, nga këta: 20 për drejtim mjeti, në gjendje të dehur dhe 28 për drejtim mjeti, pa leje drejtimi.
Janë goditur nga Policia Rrugore e Tiranës, 6 raste të tentativës për të korruptuar punonjësit e Policisë Rrugore.
Policia njoftoi se janë vendosur 15.469 masa administrative, për shkeljet që janë rrezik për përfshirje në ngjarje rrugore.
