Tre turistë çekë janë bllokuar në zonën mes Thethit dhe Valbonës.
Policia njofton se po pritet ndërhyrja e helikopterit për të bërë të mundur nxjerrjen e tyre nga zona.
Njoftimi:
Tropojë/Informacion paraprak
Rreth orës 10:07, jemi njoftuar se në kufirin mes Thethit dhe Valbonës, 3 turistë çek duke eksploruar zonën, për shkak të terrenit të thepisur, janë bllokuar.
Menjëherë pas marrjes së njoftimit, shërbimet e Policisë të Komisariatit Tropojë, së bashku me ekipin mjekësor, janë nisur në drejtim të zonës ku dyshohet se janë bllokuar turistët.
Për shkak të terrenit të vështirë dhe të thepisur dhe të largësisë së turistëve nga zona që mund të përshkohet me automjet, është kërkuar ndërhyrja e helikopterit, me qëllim ofrimin e ndihmës turistëve.
