Partizani fitoi dje me rezultatin 0-1 takimin e parë të vlefshëm për Conference League përballë Saburtalos. “Demat” rrezikuan të ndëshkoheshin disa herë, por arritën ta mbajnë portën e paprekur. Nuk munguan as raste të tjera për Partizanin, përpos shënimit të golit.
Ishte minuta e 85’ e takimit, kur Cvetanoski mund të kishte shënuar golin e dytë që do kishte mbyllur çështjen e fitores. Pasimi perfekt i Hadrojit në zonë nuk u shfrytëzua si duhet, pasi topi i gjuajtur nga afrimi i verës përfundoi jashtë stadiumit.
Cvetanoski mori vendin e Skukës në minutën e 74’ dhe fatmirësisht për të kuqtë ky episod nuk ishte vendimtar, pasi Partizani fitoi. Kujtojmë se ndeshja e kthimit luhet më 14 korrik në “Air Albania”./Newsport.al
