Rritet sërish çmimi i naftës dhe benzinës.
Bordi i krijuar me vendim qeverie për përcaktimin e çmimit të karburanteve, ka vendosur që çmimi i naftës do të jetë 240 lekë/litri.
Ndërsa çmimi i benzinës do të jetë 233 lekë/litri.
Mbetet i pandryshuar çmimi i gazit me 81 lekë/litri.
“Çmimet e caktuara nga Bordi do të hynë në fuqi sot datë 8 Korrik ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”, thuhet në njoftimin zyrtar të autoriteteve.
Ditën e djeshme, vetëm disa orë para protestës, bordi vendosi uljen e çmimit të naftës dhe benzinës. Nafta u caktua 235 Lekë për Litër, ndërsa benzina 227 lekë/litri.
