Një sherr për motive pronësie në Belsh ka degjeneruar në të shtëna me armë zjarri, ditën e djeshme. Një 37-vjeçar në fshatin në fshatin Çepe ka qëlluar me armë në ajër, sqaroi policia, që bën me dije se nuk ka persona të lënduar.
Një ditë pas ngjarjes, blutë kanë arrestuar autorin: “Specialistët për Hetimin e Krimeve në Komisariatin e Policisë Cërrik kapën dhe ndaluan shtetasin D. H., 37 vjeç, banues në fshatin Çepe, Belsh, për veprat penale ‘Mbajtja pa leje e armëve dhe municionit luftarak’, ‘Kanosja’ dhe ‘Prishja e qetësisë publike’”
“Ky shtetas, ditën e djeshme, në fshatin Çepe, Belsh, gjatë një konflikti për motive pronësie me shtetasin K. C., dyshohet se ka qëlluar një herë me armë zjarri pistoletë në ajër dhe më pas është larguar”, njofton policia.
