Nga Holanda, kryeministri Edi Rama bëri me dije se kompania Shell po realizon në nëntokën shqiptare një zbulim shumë të madh gazi dhe nafte.
Sipas Ramës një gjë e tillë do të ndryshojë të ardhmen e Shqipërisë, por do të ndikojë edhe në të ardhmen energjitike të Evropës.
“Kemi kënaqësinë dhe privilegjin që kemi në vendin tonë Shelli-in. Në kemi shumë shpresë se së shpejti mund të ndajmë me opinionin publik një zbulim shumë të rëndësishëm që Shell-i po arrin në vendin tonë. Ata hezitojnë për momentin të flasin për shifra. Shenjat tregojnë se mund të jemi pranë një zbulimi shumë të rëndësishëm të gazit dhe naftës nën tokë, që do të ndikojë të ardhmen e vendit tonë por edhe do të luajë rol në të ardhmen energjetike të Evropës”, tha Rama gjatë një aktiviteti.
