Si pasojë e zjarrit në Krastë të Krujës janë djegur mbi 50 hektarë pyje me pisha, shkurre si edhe pemë të tjera.
Mësohet se për shuarjen e kësaj vatre gjigante janë angazhuar vetëm dy grupe të forcave zjarrfikëse të Krujës të cilët e kanë të pamundur të bëjnë lokalizimin e flakëve për shkak se vatra e zjarrit ka një shtrirje të madhe.
Përhapja e flakëve ka përfshirë sipërfaqe të mëdha, ndërsa zjarri po shkrumbon pyje e po përparon në drejtim të ish repartit ushtarak ( ish baza e raketave).
Sakaq asnjë institucion tjetër, as emergjencat e bashkisë apo asnjë strukture tjetër nuk ndërhyn.
