Policia ka arrestuar të riun që goditi me thikë të ëmën në Patos.
“Në vijim të informacionit paraprak të dhënë për plagosjen me thikë të shtetases Donika Çobaj, u bë kapja e shtetasit Klaudio Çobaj, i cili u shoqërua në Komisariat, për veprime të mëtejshme. Po kryhen veprimet hetimore, për zbardhjen e rrethanave të ngjarjes”, njofton policia.
Më herët, blutë bënë me dije se e plagosura u transportua në spital: “Sot, rreth orës 09:00, në Dukas, Patos, në banesën e tij, shtetasi Klaudio Çobaj, 30 vjeç, ka plagosur me thikë nënën e tij, shtetasen Donika Çobaj, 50 vjeçe, e cila ndodhet në spital nën kujdesin e mjekëve”, njoftoi policia.
I riu u shpall në kërkim për tu arrestuar më vonë.
