Një 22-vjeçar ka humbur jetën mbrëmjen e sotme, pasi u godit nga hekurat e një strukture metalike të kalcetos, ku ai bashkë me shokët e tij po luante.
Ngjarja e rëndë ka ndodhur në Sarandë, ndërsa viktima është identifikuar si Armando Kazma.
Ai mbeti i plagosur pasi hekurat e strukturës së kalçetos u shembën si pasojë e motit të keq në qytetin bregdetar.
Menjëherë ai u dërgua në spital por nuk i mbijetoi plagëve të marra.
Njoftimi i policisë
Sot, rreth orës 20:50, në vendin e quajtur “Ura e Gajdarit”, si pasojë e motit të përkeqësuar, është rrëzuar tenda mbrojtëse e një kalçetoje sportive dhe për pasojë është dëmtuar shtetasi A. K., rreth 22 vjeç, i cili është transportuar menjëherë në spital për ndihmë mjeksore. Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.
