Mustafa Nano, ka qenë i ftuar në emisionin “Të Paekspozuarit” në MCN TV, në një intervistë për Ylli Rakipin.
Ai foli për zhvillimin e Shqipërisë, demokracinë shqiptare dhe e konsideroi emancipimin e kombit shqiptar “një proces të mundimshëm”.
Nano tha se Enver Hoxha nuk ishte një përjashtim, por një figurë që “e përfaqëson në mënyrë fantastike dhe shembullore shoqërinë dhe kombin shqiptar”.
Pjesë nga biseda:
Ylli Rakipi: Ç’është klasa politike në Shqipëri. Mendon se i ka sjellë ndonjë të mirë vendit? Ky sistem hibrid që është ndërtuar, duket sikur është ndërtuar që këta të ikin nga pushteti, këta 4-5 vetë, pasi të vdesin në karrige. Ja edhe doktori ka ardhur prapë tani…
Mustafa Nano: Unë këtyre u njoh alibi. Edhe kur vjen puna te korrupsioni. Këta kryqëzojnë Enver Hoxhën, por nuk di si do të silleshin këta nëse do të ishin në vitin 45′ këtu në rolin dhe statusin e Enver Hoxhës. Enver Hoxha nuk ishte një devijim apo përjashtim nga soji. Enver Hoxha na përfaqëson në mënyrë fantastike, në mënyrë shembullore shoqërinë dhe kombin shqiptar.
Alibia që u njoh këtyre unë, këta kanë qeverisur në një kohë, ishte një kohë përmbysje, kolapsoi një sistem dhe drejtuan vendin në një periudhë kur të ishe i pakorruptuar ishte e pamundur. Kanë hedhur firma pafund dhe kanë krijuar pasunarë. Kanë krijuar pasunarë nga hiçi. Në këto rrethana, e qortoj faktin që ke hedhur firma dhe merr gjëra, por e kuptoj këtë gjë. Por, që këta vazhdojnë të rrinë pafund dhe nuk e dimë kur do të ikin, këtë nuk e kuptoj. E kuptoj edhe këtë që ka vrarë katër veta, por që vazhdon të rrijë…
