Është përfshirë nga flakët mali i Torovicës në Lezhë.
Zjarri ka përfshirë komplet malin që lidhet me fshatin Bend në kufi me Shkodrën. Mesohet se deri tani janë djegur deri 15 Ha; pyll me bimësi, shkurre dhe pisha.
Zjarri po përhapet me përmasa të mëdha ndikuar edhe nga era që fryn. Ndonëse në vendngjarje ndodhen dy zjarrfikëse dhe policia e shtetit, është e pamundur ndërhyrja sepse terreni është shumë i vështirë.
Nga zjarri i cili është përhapur në një sipërfaqe të konsiderueshme, rrezikohen dy banesa në afërsi të fshatit Bend.
