Pothuajse të gjitha strukturat e PD, përfshi edhe deputetët, janë në terren, në takime me qytetarët, lidhur me protestën e 7 korrikut, e cila do të mbahet para godinës së Kryeministrisë në orën 19:00.
Zyrtarët dhe deputetët e PD i kanë drejtuar apel shqiptarëve që të dalin në protestë, kundër një qeverie, që i ka varfëruar, vjedhur, i shërben oligarkisë dhe ka lënë sot shqiptarët pa një shëndetësi e arsim cilësor.
Protestohet,
“Për çmimin e naftës që rritet pafré;
Për çmimet e larta të ushqimeve bazë;
Për taksat e larta që mbyllin qepenat;
Për korrupsionin që na lë pa rrugë, arsim cilësor e shëndetësi!”, thuhet në një postim në rrjetet sociale, ku shfaqen fotot e takimeve të deputetes Vokshi, e cila drejton një nga grupet e punës në Tiranë.
