Aktorja amerikane, Busy Philipps u arrestua teksa protestonte për të drejtat e abortit përpara Gjykatës së Lartë. 43 vjeçarja kishte veshur një këmishë ku shkruhej “I will Aid and Abet Abortion” ndërsa po shoqërohej nga policia për bllokimin e trafikut.
Philipps postoi pamjet nga shoqërimi në Instagram, ndërsa shkroi se do të vazhdojë të luftojë kundër vendimit të Gjykatës së Lartë.
“Ne nuk do të tërhiqemi, nuk do të dorëzohemi dhe nuk do të ndalojmë së luftuari derisa të ketë barazi për të gjithë amerikanët.
Të premten, e drejta për të marrë vendime për trupin dhe jetën tonë – një e drejtë që e kemi për gati 50 vjet – na u hoq nga kjo Gjykatë e re e Lartë, një gjykatë, besimet personale të së cilës NUK ndahen nga shumica dërrmuese e amerikanëve. Unë jam një nga ata amerikanë.
Nuk mund të mendoj asnjë mënyrë më të mirë për të përdorur privilegjin dhe zërin tim sesa të përforcoj mesazhin se autonomia trupore është një e drejtë njerëzore, pasi në fakt është saktësisht e njëjta gjë si premtimi i jetës, lirisë dhe kërkimit të lumturisë.
Ne duhet të sigurohemi që ai të zbatohet për të gjithë ne.”, shkroi aktorja ndërsa i quajtur të drejtat për abort si një “luftë e jetës”.
