Rruga e re Kardhiq-Delvinë, e cila shkurton kohën e udhëtimit drejt Sarandës me 45 minuta, hapet sot.
Ministrja e Turizmit dhe Mjedisit, Mirela Kumbaro publikoi pamje të këtij aksi rrugor, teksa bëri të ditur se nga sot do të jetë e hapur për gjithë qytetarët duke e sjellë bregun fare afër.
“Udhëtimi nga Gjirokastra në Delvinë, e përtej në Sarandë me rrugën e re që nga sot do të jetë e hapur për gjithë qytetarët duke e sjellë bregun fare afër”, shprehet Kumbaro në rrjetet sociale.
Pjesë e kësaj rruge është edhe tuneli i Skërficës.
Rruga ka qenë edhe objekt i akuzave politike, me opozitën që është shprehur se Rama u ka dhënë klientëve të tij shumë më shumë para publike pëmes tenderave për këtë projekt.
