Kryeministri Edi Rama ka mbledhur kryesinë e Partisë Socialiste, ku pritet që të shpallen zyrtarisht emrat e 61 drejtuesve të rinj të PS në bashkitë e vendit.
Ky është fundi i një procesi të nisur që prej muajit maj ku kandidatë të ndryshëm kanë shpalosur idetë e tyre sa i përket postit që synojnë të kenë.
Rama bëri me dije se interes për të aplikuar për kryetarë dege shprehën 561 kandidatë. Ndërkohë, në shkallë vendi, 33.2% është pjesëmarrja e vajzave dhe grave.
Urdhri i Gjiknurit i publikuar në 10 maj:
“Sekretarët ekzekutiv të partisë në Bashki/Qark, do të përzgjidhen deri në datën 30 Qershor 2022. Procedura e propozimit të kandidaturave për Sekretar Ekzekutiv është e hapur.
Të drejtën për të kërkuar përzgjedhjen në pozicionin e Sekretarit Ekzekutiv e ka çdo individ që plotëson kriteret: të ketë vendbanim ligjor jo më pak se 1 vit në territorin e bashkisë/qarkut përkatës; të jetë anëtar partie, si rregull për një periudhë jo më pak se 2 vjet, të ketë njohuri për organizimin e drejtimin e strukturave të partisë, të ketë arsimin e lartë. Preferohet me përvojë në drejtimin e një Këshilli Socialist, koordinator ose ish-koordinator elektoral i bashkisë, sekretar ose ish-sekretar i Asamblesë së bashkisë, kryetar/e ose ish-kryetar/e i FRES/FGS, etj”
