Prezantuesja e podcast-it të BBC-së, Dame Deborah James ka ndërruar jetë në moshën 40-vjeçare pas betejës së saj 5-vjeçare me kancerin në zorrë.
Lajmin e bëri të ditur familja e saj në rrjetet sociale teksa shkruan: “Jemi thellësisht të pikëlluar të njoftojmë vdekjen e Dame Deborah James; gruaja, vajza, motra, mamaja më e mahnitshme. Debora ndërroi jetë e qetë sot, e rrethuar nga familja e saj.
Deborah, të cilën shumë prej jush do tanjohin si Bowelbabe, ishte një frymëzim dhe ne jemi jashtëzakonisht krenarë për të, punën dhe angazhimin e saj ndaj fushatave bamirëse, mbledhjes së fondeve dhe përpjekjeve të saj të pafundme për të rritur ndërgjegjësimin për kancerin që preku shumë jetë.
Deborah ndau përvojën e saj me botën për të rritur ndërgjegjësimin, për të thyer barrierat, për të sfiduar tabutë dhe për të ndryshuar bisedën rreth kancerit.
Edhe në momentet e saj më sfiduese, vendosmëria e saj për të mbledhur para dhe ndërgjegjësim ishte frymëzuese”.
Deborah u diagnostikua me kancer në zorrë në dhjetor 2016, të cilës iu tha që herët se mund të mos jetonte më shumë se pesë vjet.
