Gazetari Lutfi Dervishi ka kritikuar qëndrimin e mediave dhe gazetarëve, përsa i përket ngjarjes së ndodhur më 21 prill në Elbasan, 4 ditë para zgjedhjeve parlamentare të 2021, ku mbeti i vrarë Pjerin Xhuvani.
Dervishi tha në emisionin “Debat” se gazetarët kanë bërë raportim mercenar. Ai deklaroi se publiku u keqinformua nga mediat dhe autoritetet.
“Kemi pasur edhe raportim mercenar. Domethënë, gazetarë që e kanë ditur të vërtetën, kanë raportuar të ashtuquajturin version zyrtar.
Për atë ngjarje e dinte i gjithë Elbasani se çfarë kishte ndodhur, por publiku u keqinformua. Drejtori i Policisë lexoi shumë keq “një tekst të shkruar shumë mirë”, tha Dervishi.
