Mediat italiane raportojnë për arrestimin e 19 personave në kuadrin e operacionit të koduar ‘Hermano’ i kryer nga antimafia e Reggio Calabria.
Operacioniu krye në orët e para të ditës së sotme, ndërsa karabinieria zbatoi urdhër-arrestet e gjyqtarëve hetues me kërkesë të DDA.
Në qendër të hetimit janë disa subjekte me banim në Taurianova, në fushën e Gioia Tauro. Operacioni preku gjithashtu provincat e Milanos, Parmës, Veronës dhe Viçenzës.
Të dyshuarit akuzohen se kanë qenë pjesë e një organizate kriminale, e aftë për të menaxhuar një trafik të lëndëve narkotike.
Sipas hetimeve të realizuara nga prokurori Giovanni Bombardieri, droga blihej në Amerikën e Jugut dhe duke kaluar përmes kanalit spanjoll, mbërrinte në Itali ku rishitej në qytete të ndryshme veriore.
Nga 19 të arrestuarit e ditës së sotme në masën e sigurisë “arrest me burg” u lanë 7 persona, ndërsa 12 të tjerët kanë si masë sigurie “arrest shtëpie”.
Mes personave të arrestur është edhe Carmelo Bonfiglio, 42 vjeç, i konsideruar si një nga promotorët dhe organizatorët e shoqatës kriminale që synon trafikun e drogës.
Sipas hetimit, Bonfiglio ishte në kontakt me furnitorët spanjollë dhe shqiptarë, por mbi të gjitha me peruanët. Nga hetimet rezulton se të arrestuarit do kenë pasur lidhje të forta me peruanët, madje duke qenë të favorizuar në çmime, pasi paguanin 32 mijë euro për kilogram kundrejt një çmimi tregu që varion nga 35 deri në 40 mijë euro.
Masa arrest me burg u dha edhe për 44-vjeçarin Roço Camillò, Diego Giovinazzo (46 vjeç), Palmiro Cannatà (62 vjeç), Salvatore Sanò (60 vjeç), Damiano Veneziano (33 vjeç) dhe Antonio Pedullà (36 vjeç).
Gjykatësi urdhëroi arrest shtëpiak për Antonio De Luca 71 vjeç, Antonio Ranieli (71 vjeç), Francesco Macrillò (64 vjeç), Francesco La Cognata (44 vjeç), Maurizio Sciçhitani (55 vjeç), Antonio Zangari (53 vjeç), Gino Carlo Melziade (50 vjeç), peruani Oscar Bruno Bagigalupo Lobaton (47 vjeç), Donato Melziade (63 vjeç), Endri Dalipaj (33 vjeç), Gioaçhino Marco Molé (30 vjeç) dhe Riçardo Ierace (34 vjeç). vjeç).
Nga hetimi që ka nisur në 2017 rezultojnë 56 persona të dyshuar, si të përfshirë në aktivitetin kriminal.
Në atë kohë, në fakt, brenda një makine, karabinierët gjetën 3 kilogramë e 400 gramë lulesh kanabis të thatë, ndërsa policia hetoi për zbulimin e rrjetit, duke rënë në gjurmët e të arrestuarve.
Mësohet se të arrestuarit kanë mundur të importojnë sasi të mëdha droge në Itali. Ngarkesat ishin të fshehura në “ndarje sekrete” brenda mjeteve që përdoreshin për transport në qytetet kryesore italiane, përfshirë Milano dhe Romë.
