Giacomo Vrioni është dëshirë e Romës. Juventus që ka në zotërim kartonin e sulmuesit të Kombëtares kërkon nga verdhekuqtë Nicolo Zaniolon, me Romën që e vlerëson lojtarin 60 milionë euro.
Zonja ka tentuar të ulë çmimin, me Tuttomercato që bën me dije se janë përfshirë në këtë operacion edhe tre emra, Arthur, Vrioni dhe Miretti. Duket se sulmuesi i Juventus do luajë sërish në huazim, me Romën që do ketë të drejtën e blerjes nëse një operacion i tillë kryhet mes dy klubeve.
Vrioni sezonin e fundit shkëlqeu te Tirol në Austri, aty ku me 19 gola mori “Këpucën e Artë” në Bundesligë.
