Egnatia zyrtarizon përforcimin e radhës në kuadër të rindërtimit të skuadrës për sezonin e ri futbollistik. Klubi rrogozhinas ka njoftuar se ka nënshkruar me 21-vjeçarin Geri Selita, i cili ka qenë pjesë e Partizanit, edhe pse pa pasur një rol të rëndësishëm në organikën e të kuqve. Gjithsesi, drejtuesit e Egnatias besojnë shumë në potencialin e mesfushorit, të cilit i kanë ofruar kontratë 3-vjeçare.
Më herët, Egnatia ka afruar portierin Alen Sherri, sulmuesin Ilir Camaj, mesfushorin Erald Hyseni, si dhe mbrojtësit Nehar Sadiki, Emiliano Musta e Abdurrahman Fangaj.
