Talenti maliqar Uerdi Mara, ka bërë një hap të rëndësishëm në karrierë, duke u transferuar te skuadra turke e Ankara Keçiorengucu, në Ligën e Parë. Fantazisti udhëtoi ditën e sotme drejt Turqisë, teksa nesër paradite do të bëhet edhe zyrtarizimi.
Mara do t’i bashkohet kolonisë së shqiptarëve në futbollin turk me skuadrën e cila në edicionin e shkuar u rendit në vendin e 12-të në Ligën e Parë. Tek skuadra e re Mara do të gjejë dhe ish-lojtarin e Partizanit, Jurgen Bardhi, i cili gjithashtu u transferua pak ditë më parë tek Ankara Keçiorengucu dhe Arb Manajn, shqiptarin e Kosovës, i cili aktivizohet si sulmues te kjo skuadër.
