Një makinë ka rënë në lumin Osum të Beratit. Brenda mjetit ndodhej nëna e fëmija, të cilët nuk arritën të mbijetonin.
Aksidenti ndodhi në vendin e quajtur Ura e Goricës, në rrugën hyrëse të qytetit të Beratit.
Klaudja Xhaferraj dhe fëmija 6 vjeç, fatkeqësisht kanë ndërruar jetë. Grupi hetimor po heton ngjarjen e rëndë.
“Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë. Për pasojë kanë humbur jetën drejtuesja e mjetit dhe fëmija i saj rreth 6 vjeç. Grupi hetimor në vendngjarje po kryen veprimet për zbardhjen e shkaqeve të aksidentit”, thuhet në njoftimin e policisë për ngjarjen.
