Ish-deputeti i PS, Ervin Bushati, i ftuar këtë mbrëmje në emisionin “Open” në News24, tha se amnistia fiskale nuk është temë e lehtë.
Ai tha se si ekonomist është vështirë të jetë pro amnistisë, pasi në radhë të parë penalizon ata që kanë qenë të ndershëm përballë shtetit.
“Të fut në një marrëdhënie më të ndërlikuar me partnerët, dhe ajo që quhet dëmi moral, që nëse njerëzit mendojnë që ka amnisti, pse mos presin valën tjetër. Është hedhur nga shumë qeveri si diskutim dhe nuk është çuar deri në fund”, u shpeh ai.
Më tej u shpreh: nga krahu tjetër në funksion të formalizimit të ekonomisë, dhe e dyta për njerëzit që nuk kanë ditur nga financa, e kanë nisur me shumë vështirësi.
“Është një nga hapat që duhet bërë drejt formalizmit të ekonomisë që dhe ata që vazhdojnë e kanë evazionin në shpirt, tu thuash që deri dje e kishit këtë mundësi, por nga sot nuk është më e ligjshme”, tha ai.
