Presidenti i SHBA, Joe Biden, ka zbuluar pa dashje një letër që përmbante udhëzimet bazë se si ai duhet të vepronte, gjatë një takimi me drejtuesit e industrisë së erës amerikane në Shtëpinë e Bardhë.
Siç mund të shihet dhe nga kjo video, Presidenti amerikan u tregoi rastësisht fotografëve listën e udhëzimeve, ku përfshiheshin edhe orientime të tilla si “uluni në pozicionin tuaj”, “Bëni komente të shkurtra” dhe “Largohuni”.
Presidenti Biden udhëzohet gjithashtu të flasë me pjesëmarrës të veçantë, t’u bënte pyetje dhe t’i falënderonte para se të largohej.
Në këtë letër lexohen qartë të gjitha gjërat që ai duhet të bëjë në takimin me krerë të bizneseve industriale, përfshirë dhe kur duhet të përshëndesë, kur duhet të ulet dhe kur të largohet.
https://www.youtube.com/watch?v=YAxgRc9VU10
Disa ditë më parë, kujtojmë që Biden u rrëzua nga biçikleta në sytë e mediave.
Madje Presidenti amerikan ka dhënë edhe deklarata që janë përgënjeshtruar menjëherë nga Shtëpia e Bardhë.
