Në tregun e këmbimit valutor vendas, të enjten leku fitoi terren ndaj monedhave të huaja krahasuar me një ditë më parë.
Sipas kursit të këmbimit valutor vendas, dollari amerikan këmbehet me 113.71 lekë ose 0.03 lekë më pak se një ditë më parë.
Monedha europiane dhe paundi britanik humbën respektivisht 0,02 pikë dhe 0.26 lekë duke u këmbyer me 119.52 lekë dhe 138.78 lekë.
Ndërsa franga zvicerane zbriti me 0.11 lekë dhe këmbehet sot në kotën e 117.66 lekëve.
Aktorët e tregut mendojnë se dobësimi i valutave kundrejt lekut tashmë po nxitet kryesisht nga sezoni. Sipas tyre, në ditët e fundit ka një rënie të ngadaltë, por të qëndrueshme të kursit, të lidhur kryesisht me shtimin e prurjeve nga turizmi.
