Deputetja e PD Jorida Tabaku thotë se kryeministri Edi Rama “do shkojë me një këmbë në samitin e BE!” Deklarata vjen pasi kreu i qeverisë shqiptare, konfirmoi mesditën e të mërkurës se do marrë pjesë në samitin e liderëve të Ballkanit Perëndimor që do mbahet më 23 qershor, pavarësisht se një ditë më parë kishte paralajmëruar se “do marrim një jo, na vjen keq”, për perspektivën evropiane të vendit tonë.
Në një postim në Tuitter, Tabaku thotë se “deliri prej narcisti me liderin rajonal që i tërheq veshin BE fsheh paaftësinë e tij për të zbatuar detyrat e shtëpisë!”.
Postimi i Tabakut:
A do shkojë ER në samitin e BE? Me një këmbë! Deliri prej narcisti me liderin rajonal që i tërheq veshin BE fsheh paaftësinë e tij për të zbatuar detyrat e shtëpisë!
Fati i Shqipërisë është BE. Të tjerat janë justifikime që fshehin krizën e rritjes së çmimeve!
