Një aksident me 4 persona të plagosur ka ndodhur këtë të Mërkurë në Qafë Muzinë.
Të lënduarit raportohet se ndodhen jashtë rrezikut për jetën.
Sipas një rindërtimi paraprak të policisë, aksidenti ka ndodhur rreth orës 13:30 në aksin rrugor Gjirokastër-Sarandë, në vendin e quajtur “Qafë Muzinë”.
Automjeti tip “Volkswagen”, me drejtues shtetasin N.A., banues në Tiranë është përplasur me automjetin tip “Fiat” me drejtues shtetasin E.F., banues në Gjirokastër.
Për pasojë janë dëmtuar lehtë drejtuesi i automjetit tip “Fiat” dhe 3 pasagjerët që ndodheshin në këtë automjet, të cilët u transportuan në Spitalin Rajonal Gjirokastër, për të marrë ndihmën mjekësore, njofton policia.
Në vendngjarje ndodhet grupi hetimor, i cili po punon për zbardhjen e shkaqeve të aksidentit, shtuan të njëjtat burime.
