Futbollisti legjendar brazilian Roberto Carlos ka zgjedhur sipas mendimit të tij mbrojtësin e majtë më të mirë në historinë e futbollit.
Edhe pse shumë besojnë se Carlos është anësori i majtë më i mirë, asi brazilian ka vendosur të parin një tjetër ish-lojtar të Real Madridit.
“Marcelo është, për mendimin tim, mbrojtësi i majtë më i mirë në histori. Ai e di këtë, kam folur shumë me të,” tha Carlos, duke shtuar:
“Është turp që u largua nga Reali. Ai nuk e ka mbyllur ende karrierën. Ka edhe katër deri në pesë vjet për të luajtur. Nuk shkova në lamtumirën e tij sepse e dija se do të qaja. Do të qaja sepse e ndoqa nga fillimi në fund”, tha Carlos, të cilin Marcelo e arriti në 2007 si te Reali ashtu edhe te kombëtarja braziliane.
Me 25 trofe të fituar, Marcelo u bë lojtari më trofetar në historinë e Klubit Mbretëror dhe pas 15 vitesh u largua nga klubi dhe kërkon një angazhim të ri.
