Dedektivja Shkenda Lili, e ftuar në ABC News, foli për temën: Pse tradhëtojmë më shumë në verë? Dedektivja tha se sipas kalkulimeve të saj, ardhja e emigrantëve është një faktor i cili ndikon në balancat mes çifteve.
“Tendenca është përgjatë stinës së verës pasi të gjithë emigrantët vijnë dhe kanë kërkesa përsa u përket investigimeve të tradhëtive. Mendoj që lidhjet sezonale, siç është edhe ardhja e emigrantëve sezonale, aty mbetet dhe mund të rikthehet pas një viti. A ndahen njerëzit për një sezon? Jo. Stina e verës ka flirte, lidhje të momentit, jo afatgjatë, janë të pakta, të paktën me çfarë shoh unë çdo ditë.” – tha dedektivja.
Shkenda gjithashtu shtoi se, sipas statistikave të saj, 80% e grave dhe vajzave e falin tradhëtinë dhe shumë rrallë mund të bëhet shkak për divorc tradhëtia e partnerit. Ndërkohë pranoi se të dyja sekset tradhëtojnë në të njëjtën shpeshtësi.
