Autoriteti Kombëtar i Ushqimit bëri të ditur se, ka kryer në shkallë vendi 113 inspektime në subjekte të ndryshme tregtare në 24 orët e fundit.
Sipas AKU-së, 399 inspektime janë kryer në pikat e kalimit kufitar, nga ku janë marrë dhe 10 mostra për analiza laboratorike.
Për shkeljet e konstatuara AKU ka dhënë 1 masë administrative gjobë me vlerë 100 mijë lekë nga drejtoria rajonale e AKU-së Gjirokastër, si dhe janë vendosur 16 masa administrative paralajmërimi për shkeljet e evidentuara.
AKU njofton se gjatë 24 orëve të fundit ka bllokuar dhe asgjësuar 231.58 kg produkte të ndryshme ushqimore që janë gjetur jashtë standardeve për konsum.
