Gazetarja shqiptare, e cila raporton nga Italia, Alba Kepi, reagoi pas lajmit të një gazete italiane, se Agim Kajmaku ka trafikuar qindra kg me kokainë.
Sipas Il Resto del Carlino, në rrjetin e Kajmakut mund të jenë të përfshirë figura të larta të PS-së së Edi Ramës.
“Edhe kjo një tjetër e vërtetë e gënjeshtrave lakuriqe të pushtetit!
Agim Kajmaku, i shpallur në kërkim prej 2019 nga shteti shqiptar, 5 ditë para kapjes me 20 kg kokainë kishte udhëtuar i qetë nga Tirana në Ankona!
Bashkëshortes së tij i është gjetur një llogari bankare me 2 milionë dollarë.
Në këtë trafik kokaine që kryhej nga Vendet e Ulëta drejt Italisë dhe Evropës, mund të jenë përfshirë emra politikanësh të tjerë shqiptarë me mbështetjen e krimit të organizuar shqiptar!
Lajmi për kapjen e tij ka dalë nga autoritetet shqiptare. Nga prokuroria italiane e autoritetet policore italiane nuk është shpërndarë asnjë komunikim, as foto e video e me shumë gjasa kjo lëvizje konspiruese nga pala shqiptare është një faull në portën e tyre për të vënë duart para, në diçka që ju djeg fort!
Narkoshteti e narkopushteti gënjeshtrat e arrogancën ndaj shqiptarëve dhe botës, ta përdorin brenda mureve me drogë e para të pista, të shtëpive të ministrave, deputetëve e bandave që i kanë financuar pushtetin!
Për të vërtetën jeni veç horra!” shkruan ajo.
