Gjenerali kryesor i ushtrisë britanike Sir Patrick Sanders ka shokuar me deklaratën e tij, kur tha: “ushtria e Mbretërisë së Bashkuar duhet të përgatitet për të luftuar rusët dhe për të fituar në Luftën e Tretë Botërore të mundshme”.
Gjenerali i ka komunikuar ushtarëve e sulmi gjakderdhës i Vladimir Putin mbi Ukrainën kishte tronditur themelet e sigurisë globale dhe gjithashtu është zotuar se do të krijojë një ushtri që mund të mundë Rusinë në betejë.
Gjenerali Sanders nisi detyrën të hënën e kaluar, dhe në ditën e tij të katërt në zyrë shkroi: “tani ekziston një imperativ i zjarrtë për të krijuar një ushtri të aftë për të luftuar përkrah aleatëve tanë dhe për të mposhtur Rusinë në betejë”.
Në një referencë rrëqethëse për Luftën e Dytë Botërore, ai shtoi: “Ne jemi brezi që duhet të përgatisim Ushtrinë për të luftuar përsëri në Evropë”.
“Unë jam shefi i parë i Shtabit të Përgjithshëm që nga viti 1941 që merr komandën e Ushtrisë nën hijen e një lufte tokësore në Evropë që përfshin një fuqi kontinentale. Invazioni rus i Ukrainës nënvizon qëllimin tonë kryesor, të mbrojmë Britaninë e Madhe duke qenë gati për të luftuar dhe për të fituar luftërat në tokë”, tha ai.
Gjenerali Sanders, 56 vjeç, i cili udhëhoqi turnetë në Irak dhe Afganistan, u zotua se do të përshpejtonte planet për të modernizuar ushtrinë dhe për tu vendosur më shpesh jashtë shtetit për t’iu përgjigjur më shpejt krizave.
