Ish-konkurrenti i ‘Për’puthen’ Atdhe Xharavina është përfolur shumë për krisjen e miqësisë së ngushtë me Arjola Demirin.
Atdheu ka folur së fundmi në një intervistë për ‘Mirage’, ku tregoi se marrëdhënia mes tyre ka ndryshuar pak por kanë një miqësi shumë të sinqertë, pa interes dhe mund t’i mbesë hatri për diçka shumë të vogël pra gjëra që rregullohen.
Atdheu u shpreh se Arjolën do ta mbështesë sa të ketë jetë pasi ajo iu është gjendur pranë kur ka ardhur në fillim në Tiranë.
“Ishte një sqarim sepse u përmend emri im në dy tre raste dhe u detyrova te shkoja dhe duke marrë parasysh kohën e gjatë që kam pasur shoqëri me Arjolën e ndjeva veten që duhej të shkoja. Sot raporti jonë ka ndryshuar pak por unë e kam thënë dhe më parë që sido që të jetë situata… E di si është puna , të kesh një shoqëri të sinqertë, pa interes dhe të na mbesi hatri për diçka pa lidhje, kështu nga dy- tre dit na mbet hatri për diçka por rregullohemi.
Unë Arjolën do ta mbështes sa të kem jetë sepse ka qenë e vetmja që kur kam ardhur në Tiranë më ka mbështetur, kam pasur shoqëri por ajo më ka përkrahur më së shumti”– deklaroi Atdheu.
