Ish-ministri i Drejtësisë Ylli Manjani tha në edicionin e pasdites me Juli krisafin në Syri Tv se qytetarët nuk besojnë tek reforma në drejtësi dhe janë të zhgënjyer totalisht.
“Ka një zhgënjim masiv të shqiptarëve për temën e super propaganduar edhe diplomatikisht, si një gjë që do bënte hatanë. Shqiptarët janë të zhgënjyer.”-tha Manjani.
Ai theksoi se 60 për qind e shqiptarëve të pyetur besojnë se gjykatësit dhe prokurorët varen nga politika.
Më tej ish-ministri theksoi se opozita duhet të ndërmarrë një nismë për të bërë një analizë të asaj çfarë shkoi keq me reformën në drejtësi.
“Në fakt është detyrë e parlamentit. Duhet një analizë e thellë se çfarë shkoi keq, pa bërë këtë është e pamundur të gjehet zgjidhje.
Drejtësia e re jo vetëm nuk është më e mirë, por ka përkeqësuar edhe treguesit.”-theksoi Manjani.
