Khloe Kardashian i ka ardhur në majë të hundës me tradhtitë e njëpasnjëshme të Tristan Thompson. Fansat do të ndjekin në episodin e radhës të “The Kardashians”, momentin kur Khloé mori vesh se Tristan e kishte tradhtuar me Maralee Nichols.
Ishte Kim ajo që ia tregoi të motrës këtë lajm, ku Khloe menjëherë tha: “Më lejoni ta marr në telefon. Nuk mund ta besoj këtë. Unë dua vetëm të vërtetën”. Më pas, ajo nuk i mbajti dot lotët dhe Kim ishte aty për ta ngushëlluar.
“Gjithçka do të jetë në rregull. Ne vërtet besuam se ai kishte ndryshuar, unë isha mbështetësja e tij më e madhe”, theksoi ajo.
“Gjithçka është manipulim, mashtrim. A kishte Tristan çdo mundësi për të më thënë? Po. A do të më tregonte Tristan nëse nuk kishte ndonjë fëmijë të përfshirë? Absolutisht jo dhe kjo tregon shumë për karakterin e tij”, tha Khloe.
Vetë Thompson konfirmoi më herët se kishte fjetur me Nichols dhe se së bashku kanë një fëmijë.
