Një 40-vjeçar me inicialet D. H. është arrestuar ditën e sotme në Tiranë pasi ushtronte dhunë ndaj bashkëjetueses së tij.
“Specialistët për Hetimin e Krimeve në Komisariatin e Policisë Nr. 3, pas njoftimit të marrë nga një shtetase, se bashkëjetuesi i saj e dhunonte, menjëherë kanë organizuar punën dhe në kuadër të operacionit policor të koduar “Parandalimi” kanë arrestuar në flagrancë shtetasin: D. H., 40 vjeç, i dënuar më parë për veprën penale ‘Vrasja'”, njofton policia.
Ky shtetas dyshohet se në mënyrë të vazhdueshme ka ushtruar dhunë ndaj bashkëjetueses dhe e ka kërcënuar se do ta vriste, shtuan të njëjtat burime.
