Policia e Elbasanit ka arrestuar shtetasin Bardhok Prenga, pasi akuzohet se ka kanosur me armë dhe ushtruar dhunë ndaj bashkëshortes e djalit të tij.
Prenga akuzohet për veprën penale të “dhunës në familje” dhe “mbajtja pa leje e armëve të zjarrit dhe municionit”.
Njoftimi:
Ushtroi dhunë psikologjike dhe kanosi bashkëshorten dhe djalin e tij, Policia vuri në pranga 52-vjeçarin.
Gjatë informacionit të marrë nga hetimet e kryera, Policia i gjen të fshehur, në murin përreth shtëpisë, një armë zjarri pushkë, me të cilën dyshohet se ka kanosur familjarët e tij.
Specialistët për Hetimin e Krimit në Komisariatin e Policisë Elbasan, në kuadër të operacionit “Vullnetari”, si rezultat i të cilit u vu në pranga 52-vjecari B. P., për veprën penale “Dhuna në familje”, në bashkëpunim me Prokurorinë e Rrethit Gjyqësor Elbasan, kanë thelluar hetimet për këtë rast.
Si rezultat i hetimeve të thelluara dyshohej se shtetasi B. P. kishte armë të fshehur në banesë dhe se dhuna mund të përshkallëzohej pasi ky shtetas të mbaronte vuajtjen e dënimit. Nisur nga këto dyshime, shërbimet e Policisë kanë ushtruar kontroll të imtësishëm për disa ditë, në banesën e shtetasit B. P.
Si rezultat i kontrolleve, shërbimet e Policisë bënë të mundur gjetjen dhe sekuestrimin e një arme zjarri pushkë, të cilën ky shtetas e kishte fshehur në murin përreth shtëpisë.
Materialet shtesë në ngarkim të këtij shtetasi, për veprën penale “Mbajtja pa leje dhe prodhimi i armëve, armëve shpërthyese dhe i municionit”, i kaluan Prokurorisë së Rrethit Gjyqësor Elbasan. Shtetasi B. P. është aktualisht në institucionin e paraburgimit në Bradashesh, Elbasan.
