Por ku do të luajë Angel Di Maria sezonin e ardhshëm? Është e vështirë, për momentin, t’i japësh një përgjigje të saktë kësaj pyetjeje. Në përfundim të kontratës më 30 qershor me PSG-në, 34-vjeçari argjentinas do të largohet nga kryeqyteti francez pas 7 vitesh në “Parc des Princes”. Më pas, gjithçka fliste pwr njw kalim në Serinë A te Juventusi, favorit për ta transferuar këtë verë.
Por Barcelona ndërhyri në dosje dhe ktheu gjithçka përmbys. “Relevo” bën me dije këtë të martë se futbollisti argjentinas tashmë është në pritje të një shenje nga blaugranët, të cilëve ua jep preferencën për arsye personale. Mediat spanjolle saktësojnë se orët e fundit janë krijuar kontakte të reja mes dy palëve, por edhe se Benfica mbetet një tjetër alternativë për Angel Di Marian, i cili shpërtheu në sytë e Europës me klubin e Lisbonës mes viteve 2007 dhe 2010.
