Partizani do të luajë kundër Saburtalos, ndeshje e vlefshme për turin e parë të Conference League. Kundërshtari gjeorgjian nuk është shumë i njohur për ekipet tona. Për trajnerin Dritan Mehmeti, shorti ka qenë i pafat.
Sipas tij, gjeorgjianët ishin më të vështirët nga 5 ekipet që mund të dilnin përballë të kuqve. Trajneri i kryeqytetasve ka komentuar shortin teksa është shprehur:
“Ky ishte ekipi që nuk e donim përballë. Janë skuadra më e fortë nga 5 ekipet që mund të na binin përballë. Ata tashmë janë në aktivitet futbollistik dhe do të jetë e vështirë ndaj tyre.
Edhe distanca me Gjeorgjinë është e madhe. Megjithatë nuk i druhemi. Shpresojmë që edhe fati të jetë me në e të kualifikohemi”, ka përfunduar për mediat ai.
