Ylli i “Seinfeld”, Philip Baker Hall, ka ndërruar jetë në moshën 90-vjeçare.
Vdekja e aktorit të “Boogie Nights” të shtunën në mbrëmje (11 qershor) u njoftua nga miku i tij Sam Farmer në Twitter.
“Fqinji im, miku im dhe një nga njerëzit më të mençur, më të talentuar dhe më të sjellshëm që kam takuar ndonjëherë, Philip Baker Hall, vdiq paqësisht mbrëmë”, shkroi Farmer.
Shkaku i vdekjes nuk u njoftua, por ai vuante nga emfizema, një sëmundje e mushkërive që shkakton gulçim, dhe u pa duke përdorur një oksigjen portativ në premierën e filmit të tij “The Last Word” në 2017.
Aktori i njohur la pas gruan e tij, Holly Wolfle, dhe vajzat e tyre, Adella dhe Anna.
Hall kishte një karrierë aktrimi që përfshin më shumë se katër dekada dhe u shfaq në më shumë se 200 role të ftuar në televizion. Hall luajti në ‘trailer’-in e krimit të vitit 1996 “Hard Eight”, së bashku me John C. Reilly, Samuel L. Jackson dhe Gwyneth Paltrow. Hall më pas pati role në filmat e mëvonshëm të Anderson, Boogie Nights dhe Magnolia. Hall gjithashtu portretizoi Joe Bookman në dy episode të “Seinfeld” në vitin 1991.
