Një bari 48-vjeçar shqiptar është shpallur në kërkim ndërkombëtar nga autoritetet greke pasi akuzohet për përdhunimin e një 22-vjeçareje, shtetase e Greqisë, në një plazh në Halkidiki në fund të muajit të kaluar.
Mediat greke shkruajnë se Prokuroria e Selanikut ka lëshuar urdhër-arrest europian në lidhje me 48-vjeçarin, që ka humbur gjurmët.
Autoritetet në shtetin grek nuk përjashtojnë mundësinë që burri të jetë larguar jashtë vendit, duke kaluar kufijtë.
Pas lëshimit të urdhrit të arrestit, në rast se ai fshihet në ndonjë vend të BE-së do të arrestohet dhe më pas do t’u dorëzohet autoriteteve greke.
Shqiptari është i dyshuar për rastin e përdhunimit të vajzës së re greke, pas identifikimit të materialit gjenetik të tij me atë të 22-vjeçares. Kjo pasi policia mori një mostër ADN-je nga shtrati i tij në vendin ku ai jetonte.
