Bayern Munich ia ka dalë të fitojë garën me skuadrat e tjera për shërbimet talentit të Ajax, me bavarezët që kanë zyrtarizuar blerjen e Ryan Gravenberch.
Ylli holandez ka firmosur një kontratë 5-vjeçare, në të cilën ai do të qëndrojë të “Allianz Arena” deri 30 qershor të vitit 2027.
Lajmin e ka konfirmuar drejtori sportiv i Bayern, Hasan Salihamidzic, i cili ka theksuar se fakti që lojtari ka zgjedhur kampionët e gjermanisë, suksesi është i garantuar.
“Ryan do t’i japë shumë ekipit tonë. Ai është një nga lojtarët e rinj më të mirë të Evropës, ka teknikë të shkëlqyer, gjithmonë gjen zgjidhje në hapësira të ngushta, është shumë dinamik dhe kërcënues para portës. Fakti që ai ka zgjedhur Bayernin tregon se është i bindur nga klubi ynë dhe shanset që do të ketë me ne. Ne i duam lojtarët me atë lloj mentaliteti. Ne besojmë fuqishëm se do të kemi shumë sukses me të”, ka deklaruar drejtori bavarez.
