35 ndeshje sezonale nga të cilat 34 si titullar. Vllaznia shpërblen shkodranin Esin Hakaj me dy sezone të tjerë në kontratë.
Do të jetë 25-vjeçari lideri i mbrojtjes së skuadrës shkodrane në sezonin e ri. Trajneri Mirel Josa e kërkoi me çdo kusht që ta kishte pjesë të skuadrës dhe klubi ia plotësoi dëshirën duke nënshkruar një kontratë të re me lojtarin që shënoi edhe një gol gjatë sezonit të fundit.
Lajmin e bën të ditur vetë klubi kuqeblu në një komunikatë zyrtare në Facebook ku shkruan;
“KF Vllaznia ka kënaqësinë të njoftojë se ka zgjatur bashkëpunimin edhe me një tjetër protagonist të suksesit të para pak ditëve, fitimit të Kupës së Shqipërisë. KF Vllaznia bën të ditur se ka arritur akordin me futbollistin Esin Hakaj për të qenë pjesë e skuadrës tonë edhe për sy sezonet e ardhshme, natyrisht me dëshirën e mirë për të arritur të tjera suksese me fanellën kuqeblu”.
