Raportimet e shtypit belg sugjerojnë se se autori i dyshuar i atentat ndaj Erion Hasanbelliut dje në Bruksel është Kasandër Noga.
“43-vjeçari shqiptar Erion Hasanbelliu ka pësuar lëndime të rrezikshme për jetën nga të shtënat me armë zjarri në Bruksel. Ai ka marrë gjashtë plumba në shpinë dhe në këmbë. I dyshuari është shqiptari Kasander Noga, 44 vjeç,”, raporton këtë të Hënë media belge “Het Laatste Nieuws”, që më herët publikoi edhe pamje pas atentatit dhe dëshmi të personazve të pranishëm kur ndodhi krimi.
Referuar të njëjtit burim, mes autorit dhe shënjestrët ka një konflikt që zgjat prej dy dekadash.
“Kasandri është i njohur për ‘vrasjen në repartin e reanimacionit ku u eleminua babai i Hasanbelliu. Një vit më vonë, familja Hasanbelliu qëlloi dhe vrau një mik të Kasanderit në një kafene në Antwerp. Vetë Kasander i mbijetoi atij sulmi”, raporton media belge.
Më 19 gusht të vitit 2000, Kasandër Noga hyri në Sanatorium në Tiranë dhe kreu atë që u quajt masakra e ‘Reanimacionit’ duke vrarë Aqif Hasanbelliun – babanë e Erionit dhe Dritan Hajdinin. Sipas raportimeve të kohës, ai u hoqi serumin nga krahu dhe me breshëri automatiku i la të vdekur në vend. Por kjo nuk është e vetmja ngjarje që akuzohet Kasandro Noga.
Sipas raportimeve, ai dyshohet për 5 vrasje dhe disa plagosje. Mes këtyre krimeve është dhe akuza për vrasjen e Astrit Shperdhejas në 25 gusht të 2001, ndërkohë që gjyqi u bë në Belgjikë në 2005. Po ashtu ai është dënuar edhe për vrasjen në vitin 1999 në Patos, të Kastrito Gropa dhe Edison Meminajt. Pavarësisht këtyre krimeve të rënda, vijon të jetë në arrati.
