Mbrëmjen e së Dielës, duke u gdhirë e Hëna kulmuan ditet e pelegrinazhit 13 javor në Kishën e Shna Ndout në Laç.
Me mijëra pelegrinë, nga e gjithë Shqipëria, por edhe jashtë saj nisen rrugën e pelegrinazhit që prej orëve të para të mëngjesit të 12 qershorit, për të kaluar natën në këtë vend të shenjtë, në përpjekje për të imituar shenjtin, që sipas tyre ka kaluar në vargmalin e Kurbinit.
Të krishterë e musliman, thonë se ky vend ka bërë mrekulli të shumta, ndaj dhe besojnë tek kisha e Laçit.
Për të garantuar mbarëvajtjen e pelegrinazhit u angazhuan dhjetëra forca policie, ndërsa pranë ambienteve të kishës kanë qëndruar në gatishmëri autoambulanca dhe personeli mjekësor.
Por pavarësisht masave të marra, fluksi i lartë i automjeteve krijoi kaos në lëvizje. Nata e 12 qershorit u shoqërua me bllokim total të qarkullimit për shumë orë dhe u krijua radhë kilometrike automjetesh nga autostrada deri në qytetin e Laçit.
Peleginazhi i shenjtë filloi në mes të muajit Mars, që është e Marta e parë e pelegrinazhit në shenjtoren e Shna Ndout dhe përfundon në 13 Qershor që është dhe festa e këtij shenjti.
