Detaje të reja kanë dalë nga arrestimi i ish-kryebashkiakut të Vorës Agim Kajmaku, i cili u kap nga policia italiane me 20 kg kokainë.
Ai ka qenë bashkë me nipin e tij në momentin e arrestimit dhe të dy janë vënë në pranga, pasi akuzohen se në bashkëpunim me njëri-tjetrin kishin kultivuar brenda vazove bimë narkotike.
Ka qenë pronari i fidanishtes ai që ka bërë denoncimin duke vënë në lëvizje policinë italiane për arrestimin e tyre.
Kajmaku dhe nipi i tij dyshohet se i kishin fshehur bimët narkotike pa dijeninë e pronarëve se biznesi i tyre ishte kthyer në ‘vatër’ të kultivimit të drogës.
Mediat italiane kanë publikuar edhe pamje nga operacioni i drogës, ku u kap ndër të tjera edhe Kajmaku bashkë me nipin e tij.
Sipas asaj që shkruajnë mediat e vendit fqinj, nëse lënda narkotike do të shitej në treg, do të kapte vlerën e rreth 1 milionë euro.
