Një ditë më parë në fshatin Kreshovë të Kolonjës u gjetën eshtrat e një personi mashkull, për të cilin policia nuk dha të dhëna, ndërsa në njoftimin zyrtar thuhej se trupi i dekompoyuar u gjet nga barinj.
Ndërkohë sot, Report TV, duke iu referuar burimeve konfidenciale, ngre dyshimet se eshtrat i përkasin shtetasit Sherif Mukaj, 29-vjeçarit, i cili rezulton i zhdukur që nga nëntori i vitit të kaluar.
Sipas raportimit të televizionit, pranë viktimës janë gjetur një aparat celular Nokia, një palë çelsa, gjithashtu edhe xhupi që kish veshur viktima.
Mësohet se policia me çelësat që ka gjetur pranë trupit të viktimës, ka hapur dyert e shtëpisë së një prej të zhdukurve në zonë. Çelësat i përkasin personit të zhdukur prej 1 nëntorit Sherfi Mukaj i datëlindjes 30.04.1993.
Paraprakisht policia ka kontaktuar familjarët e 29 vjeçarit, të cilët kanë konfirmuar bisedimet me uniformat blu, por megjithatë ato janë me shpresë deri në daljen e ekspertizës. Aktualisht në polici janë shoqëruar 5 persona si të dyshuar për ngjarjen.
Trupi i dekompozuar u gjet nga 2 barinj, në një terren të thyer malor, të cilët kanë lajmëruar policinë. Trupi u gjet i dekompozuar plotësisht në zonë kufiri, në malin e Kreshovës.
