Të tjera fakte kanë dalë nga vrasja e 27-vjeçarit Aleksandër Sadikaj, gjatë ditës së djeshme në Tiranë.
Atij iu vendos në mjet një sasi prej 150 gramë tritol, ndërsa mësohet se po ashtu iu gjet edhe një armë zjarri.
Arma është e llojit pistoletë dhe dyshohet se viktima e mbante në makinë për vetëmbrojtje.
Kjo për shkak të së kaluarës së tij, por ka dyshime se Sadikaj vazhdonte të merrej me trafik të drogës, kryesisht në jug të vendit dhe Greqi.
Dyshohet se atentati është bërë nga vrasës me pagesë.
Hetuesit po punojnë për gjurmimin përmes kamerave të sigurisë të lëvizjeve që ka kryer viktima me automjetin e tij, për të zbuluar në çfarë vendi është instaluar lënda plasëse.
Tritoli ishte vendosur në pjesën e përparme të makinës, në anën e shoferit, gjë që ka rezultuar fatal për 27-vjeçarin.
