Një treg i zi shitjes së ilaçeve anticovid, turizëm ilegal shëndetësor nga Shqipëria në Itali e barna të klasifikuara narkotike në shkelje të plotë me legjislacionin mjekësorë i siguronin një grupi kriminal italo shqiptar një biznes të majmë përfitimi.
1554 udhëtime mjekësore të paligjshme, 82 shqiptarë të kuruar ilegalisht në sistemin shëndetësor italian, 383 shërbime ambulatore ndaj shqiptarëve, siguruar përmes mashtrimit janë bilanci i operacionit unik në llojin e tij i koordinuar nga Eurojust e i ekzekutuar mes Shqipërisë e Italisë.
6 urdhër arrestimi me burg, 3 arrest shtëpiak e 1 detyrim paraqitje janë masat paraprake të lëshuara nga autoritetet italiane të Policisë së Monzës, Brianzës, Kremonës e Milanos, që në bashkëpunim me Policinë Shqiptare e nën koordinimin e Eurojust cuan në shaktërrimin e një organizimi kriminal mes Shqipërisë e Italisë që përmes mashtrimit, falsifikimit, korrupsionit e aktivitetit të një turizmi shëndetësor ilegal, siguronin kurimin e shtetasve shqiptarë në klinika publike e private të rajonit të Lombardisë në kurriz të shtetit italain dhe në periudhën pandemike kur masat e lëvizjes mes dy vendeve ishin nën rregulla të ndaluara qarkullimi.
Aktiviteti investigativ i operacioneve të koduara “Exemptio” e “Illegal Health Tourism” hetimet e të cilave nisën më vitin 2021, zbardhi një treg ilegal barnash mejkësore që përmes mashtrimit të sistemit kombëtar shëndetësor italian e bashkëpunimit të disa farmacive, eksportoheshin ilegalisht në Shqipëri e shiteshin në mënyrë të paligjshme në tregun e zi.
“Clexane” o “Enoxaparina” ishte një nga barnat që përmes mashtrimit të Sistemin Kombëtar Shëndetësor Italianë kishte përfunduar në tregun e zi shqiptar.
“Clexane” o “Enoxaparina” përdoret për kurimin e pacientëve Covid e kishte një kërkesë të lartë për furnizim e një pritje e gjatë për ta siguruar në sistemin shëndetësor italian.
Aktiviteti investigativ bëri të mundur identifikimin e një shtetasi shqiptar me banim në Itali, i cili ishte nyja lidhëse mes organizimit kriminal e punonjësve të shërbimit publik shëndetësor italianë, që përmes ryshfeteve, modifikonin të dhënat e sistemit shëndetësor të rajonit të Lombardisë duke mundësuar kurimin urgjent e me shpenzime në kurriz të shtetit italian, të pacientëve shqiptarë.
Ky organizim kriminal siguronte jo vetëm kurimin e shërbimet shëndetësore të shtetasve shqiptarë, por përmes mashtrimit siguronte hyrjen e tyre në territorin italian për motive shëndetësore urgjente.
Hetimet kanë dokumentuar 82 shtetas shqiptarë të regjuistruar në mënyrë të paligjshme në sistemin shëndetësor italian, nga janari i vitit 2020 në qershor të 2021, 383 shërbime ambulatore të shtetasve shqiptarë e 1554 vizita specialistike mjekësorë, shtrime në spital, receta e kura, të gjitha përmes mashtrimit të dokumentacionit e pa asnjë të drejtë për të pasur një shërbim të tillë.
Mes barnave mjekësore të marra përmes mashtrimit nga Sistemi Shëndetësorë Kombëtar Italian e të tregtuara në tregun e zi shqiptar, figurojnë dhe disa medikamente që klasifikohen si narkotike e personave nën masa ndalimi i rëndon dhe akuza e shkeljes së legjislacionit të barnave mjekësore.
Lexo edhe:
/Ora News/
