Ukraina ka arritur të marrë një fitore me shumë vlerë ndaj Armenisë me rezultatin e pastër 3-0 në një ndeshje të vlefshme për grupet e Nations League.
Pjesa e parë përfundoi pa gola edhe pse Ukraina ishte kryefjala e atyre 45 minutave të para.
Pjesa e dytë foli totalisht për Ukrainën, ku erdhi edhe goli në minutën e 61-të nga Malinovsky pas një asistimi të Karavaev.
Vendasit kanë menaxhuar totalisht lojën pa probleme dhe duke qarkulluar topin arriti të gjente edhe golin e dytë. Në minutën e 77-të ishte Karavaev i cili dyfishoi shifrat.
Ukrainasit nuk u mjaftuan me kaq pasi në minutën e 84-të ishte Mykolenko i cili trefishoi shifrat.
Ukraina kështu renditet në vendin e parë të grupit me 6 pikë pas dy fitoreve radhazi.
